17,10 €
IVA incluido
Añadir a favoritos
O meu ser tamén ten dereito a buscar o seu destino, ao seu xeito, a buscar o seu desasosego, o seu canto, a súa propia poesía, indicaba o autor na súa obra Desvendado (Editorial Galaxia, 2021).
En A miña terra é un vello falar, Manuel Pombo Arias recolle a súa poesía recente, unha poesía experimental e tamén irracional, buscando romper co instituído e na procura de novas formas de se expresar, á busca de palabras capaces de queimar na boca. Un poemario onde se amorean os soños da infancia, soños de neno campesiño, para chegar ata máis aló no tempo, outros tempos nada máis, e tropezar cos ouros cansos da tarde, que axiña serán nada, ou case nada.
