OS TRES ESTUDANTES

Os Tres Estudantes é xa o sétimo título de Sherlock Holmes para pequenos detectives, unha colección amena e divertida cos mellores casos do detective máis famoso de todos os tempos. Grazas á súa narrativa áxil e ás rechamantes ilustracións axudará a consolidar o amor pola lectura dos máis novos. Ademais, as didácticas aclaracións sobre termos e obxectos propios da Inglaterra da época achegaraos á literatura clásica de detectives. Unha tranquila viaxe de investigación convértese nunha carreira contra o reloxo cando o profesor Soames chega a Holmes e Watson cun estraño misterio. Tres estudantes son sospeitosos de facer trampas. Será Holmes quen de resolver o caso a tempo para que o exame teña lugar?